Curso de Actividades de venda
Blog educativo
domingo, 9 de novembro de 2014
xoves, 6 de novembro de 2014
Porque buscar emprego é un traballo a media xornada
Elena Huerga, Coach especializada na procura de emprego, aconséllanos unha serie de estratexias a seguir na nosa Procura de Emprego Activa:
Porqué buscar empleo es un trabajo a media jornada (preme na ligazón para ler o artigo).
mércores, 29 de outubro de 2014
Oferta de emprego - Valladolid
Se ofertan 120 postos de vendedores/as para Decathlon Valladolid.
http://aquihaytrabajo.rtve.es/empleos/oferta/155118/vendedor-a-deportista.html
O único requisito é que o/a solicitante sexa un/ha amante do deporte e que como vendedor/a presente unha clara orientación ao cliente.
mércores, 22 de outubro de 2014
Felices Festas 2014 - Bo Nadal!
Despedimos a nosa andaina presentando o último escaparate realizado, composto por motivos navideños, para festexar as vindeiras festas do Nadal.
Árbore de Nadal e produtos ofertados |
Cartelería, elementos decorativos de cores brillantes e xogos de luces atraen a atención do/a viandante que fascinado/a polo ambiente navideño do local adicará uns minutos a avaliar a oferta de artigos que lle presentamos.
Detalle carro de produtos |
O cariño e o esforzo adicado fican plasmados na composición realizada por todos os integrantes da equipa estudiantil: Antonio, Silvia, Mauro, María, Miriam, Tatiana e Bianca. Graciñas a tod@s por participar e... felices festas!!!
Escaparate de Nadal |
martes, 21 de outubro de 2014
Que temos aprendido neste módulo?
- Os factores fundamentais desenvolvidos na atención ao cliente.
- En que consiste o marketing relacional.
- Os sentidos nos que se pode desenvolver a comunicación.
- Elementos da comunicación externa.
- Variables que inflúen na atención ao cliente.
- Os cuestionarios, as regras de redacción e os seus tipos de preguntas.
- Elementos que conforman a satisfacción do cliente.
- En que consiste a matriz DAFO e cal é o obxectivo da súa realización.
- Xestión de queixas e reclamacións.
- Tipos de arquivos.
- O arquivo na Administración Pública.
- Confección e presentación de informes.
- A "ventana de Johari".
- Barreiras e dificultades na comunicación interpersoal presencial.
- Aspectos importantes da expresión verbal.
- A comunicación non verbal.
- Empatía, asertividade e escoita activa.
- A comunicación non presencial.
- A comunicación telefónica non verbal.
- A comunicación escrita.
mércores, 15 de outubro de 2014
O Samaín das ofertas en Burela
Agora que estamos chegando á recta final do módulo tentamos realizar un escaparate que atraira a atención dos/as clientes a base de ofertas terroríficas... O Samaín está chegando a Burela cargado de promocións interesantes coas que pretendiamos atrair ao público ata que chegaran as datas do Nadal.
Equipa de traballo |
Pese aos nosos esforzos non conseguimos partir dunha idea definida nin estar o suficientemente ben organizados para que o proxecto se realizara con éxito. E o escaparate quedou realmente terrorífico... pero no sentido non desexado.
Cartel descontos |
Da nosa experiencia gardamos como lección que unha organización deficiente leva á obtención de resultados non desexados e que para crear algo novo debemos partir dunha idea clara e compartida polos membros da equipa.
Fica no recordo a homenaxe ao antigo faro de Burela, destruido por un polbo xigante que arremeteu violentamente contra el, eliminando toda luz de esperanza de chegar a facer unha composición completa.
Polvo xigante a piques de destruir o faro de Burela |
Adeus faro de Burela, adeus Samaín.
Comeza un novo período lonxe das sombras.
Comezamos a creación do noso escaparate de Nadal!!!
Comeza un novo período lonxe das sombras.
Comezamos a creación do noso escaparate de Nadal!!!
venres, 26 de setembro de 2014
Visita didáctica: C.C. MARINEDA CITY
Hoxe visitaremos un dos centros comerciais máis grandes de Europa: o C.C. Marineda City en A Coruña.
Plano do CC. Marineda City (A Coruña) |
HORARIO:
08.30h. Saída de Burela en dirección a A Coruña.
10.15h. Chegada ao Centro Comercial Marineda City. Percorrido en grupo polos locais máis destacados e explicación do desenvolvemento das actividades a realizar. Determinación do Segundo Punto de Encontro.
10.45h. Pausa café e creación de grupos pequenos, de 2 a 3 persoas, para o correcto desenvolvemento das actividades. Confirmación da hora exacta do segundo encontro no punto sinalado anteriormente.
11.15h. Cada parella/trío comezará a realizar as actividades propostas seguindo as explicacións recibidas. A comunicación necesaria realizarase, na medida do posible, mediante o grupo de Whatsapp creado a tal efecto.
13.15h. Reunión no Segundo Punto de Encontro e posta en común das primeiras impresións recibidas.
13.45h. Pausa xantar e fin da actividade. Regreso a Burela.
Subscribirse a:
Publicacións (Atom)